ابــكــــــــي

[فلاح العنزي]

يامل عينٍ من الفرقا دمرها السهر
لا واعنا العين عقب افراق مظنونها


فرقا هنوفٍ وصايفها خوات القمر
السحر بخدودها والموت بعيونها


من عقبها يشهد الله حالتي في خطر
ماشافت الحال عقب البعد وشلونها


لا ذكرت الشعر مسلول فوق النحر
هلت دموعي ونفسي هاضت اشجونها


ابكي عليها جزع وابكي عليها قهر
واخشى على النفس لاينباح مكنونها


راحت ولا عاد جاني من طرفها خبر
ان رحت ابيها الحرس دوني ومن دونها


باكر وعقبه يافلان.. غلاق الشهر
واخبارها الناس يمي مايجيبونها


ان كان طال السفر والحظ عنها قصر
الله اعلم تموت النفس بغبونها



فلاح عشوي العنزي

[العضيليه]

تسلم ونترقب جديدكم

ولكم جزيل الشكر