مهم لعقود الزواج أرجو الدخول والمشاركه

[ولد السرة]

[السلام عليكم

ياجماعه انا عندي مشكله وبختصرها لكم واتمنى تفيدوني على كثر ماتقدرون لاني موقف كل شي وناطر شلي تنصحوني فيه ..
انا عندي اخت من امي واهي من فئة المغضوب عليهم (البدون)
المهم ولد خالتي كويتي يبي يتزوجها واهوه بوزارة الدفاع لما راح مجمع المحاكم قالوا له عطنه اثبات البنت وانطر 20 يوم على مايوصل ..الهم اليوم وصل الرد من اللجنه المركزيه طبعا البنت ماعندنا البطاقه الخضرا الوالده الله يرحمها ماسجلتها وامها كويتية بالتاسيس..المهم مااطول عليكم لما وصل الد مكتوب فيه انها فلانه الفلاني غير مسجله وجنسيتها عراقية!!!! اهني الصدمه ..الحين شنو الحل ياجماعه الخير عقب بكره البنت مع ولد خالتي تفحص عقب الفحص نروح مجمع المحاكم بس اخاف انه يكتبون بالعقد عراقيه! ويخلونها توقع واذا وقعت تخرب على نفسها وعلى اختها اللي اصغر منها.. لانه باجر اذا تبي تتجنس على زوجها يقولون لها ييبي جنسيتج العراقيه سلميها واهي ماعندها شي كل هذا سبب عقد الزواج يجبرها اتوقع واستنتجت جذيه؟؟

الحين بعرف شنو الحل. واحد قالي يتزوجها عند ملا ويروح يرفع دعوه على نفسه عقب اسبوع يطلع له اثبات زواج.ز انزين اذا طلع له اثبات زواج يمشوله الزوجيه وباجي العلاوات ولا لا؟؟ هذا السؤال المهم ..واذا في اي اقتراح اتمنى لحد يقصر علي وابي جواب للمجربين خصوصا الكويتيين اللي ماخذين بدون.. ناطر ردكم على احر من الجمر لانه بتصرف بناء على اللي تشورونه علي .. وشكرا

[ولد بلادى]

هلا اختي الله يوفقكم انا اختي زوجه كويتي عقدهم اثبات حاله ولا في علاوه ولا في عقد ولا في شهادة ميلاد حق الطفل بس الي يريد الحلو يصبر على مره كلامي واضح والله يوفقكم

[ولد السرة]

لأيش مافي علاوه اثبات الحاله مو طالعه من القاضي؟؟؟ ورقة رسمية ؟ يعني تفهمني ماكو زوجيه ولا حق اعيال ولا شي

[Ko82]

اخوي ولد السرة انا كويتي ومتزوج بدون
طلعت اثبات حالة وقدمته حق الدوام والحين تمشيلي فلوس الزوجية علما باني شغال بالقطاع النفطي ويمكن القطاع الحكومي او العسكري يختلف .
وهم قدمت على الاسكان وقبلوا اوراقي وعندي طلب اسكاني حاليا

أما الاولاد فللحين ماعندهم شهايد ميلاد وبالتالي مايمشيلهم بدل وربك يعين .

[ولد السرة]

مانقول غير حسبي الله ونعم الوكيل ..الله يعينك ويصبرك على بلواك ياخوي

[ولد كويتيـه]

يا جماعه قبل جم يوم على قناة الراي برنامج مسائي

اللي سمعته انه فيه محامي يبي يترافع عن جميع الكويتيين المتزوجين من بدون للحصول على حقوقهم كامله

وحط رابط لموقع انترنت عشان الكل يسجل اسمه وبياناته واهوا يترافع عنهم مجاناااااا

يا ريت الي يعرف الموقع يقولنا عليه لانه اختي متزوجه من كويتي ونفس حالتكم يالربع عقد الزواج اثبات حاله